Missiya, baxış və dəyərlərimiz gələcək planlar, məqsəd və niyyətimiz, tərəfdaşlarımızla əlaqələrimiz və ümumi fəaliyyətimiz üçün əsaslı çərçivə yaradır.
Sülh və rifah naminə qabaqcıl texnologiyalara əsaslanan fərdi həllər yaratmaq.
Azərbaycanı qlobal kosmik sənayenin aparıcı qüvvələrindən birinə çevirmək.
Gördüyümüz hər işdə komanda ruhunu yüksək qiymətləndirir və qərarların qəbul edilməsində müxtəlif fikirlərin nəzərə alınmasını dəstəkləyirik. Eyni zamanda qarşılıqlı hörmət çərçivəsində bilik və təcrübə mübadiləsini təşviq edirik.
Müştərilərimizin fərdi tələbatlarını qarşılamaq üçün çevikliyi qoruyaraq baş verən dəyişikliklərə sürətlə uyğunlaşırıq. Mövcud təcrübəni təkmilləşdirmək üçün əlimizdən gələni edir, əlimizdə olan və yeni yaranan imkanlara çevik reaksiya veririk.
Qanun və etik prinsiplərimiz çərçivəsində bir-birimizlə və tərəfdaşlarımızla münasibətdə dürüst davranırıq. Şirkətimizə qarşı sahiblik hissi duyur və onun resurslarını öz resurslarımız kimi idarə edirik.
Davamlı olaraq fəaliyyətimizi optimallaşdıraraq yeni biznes imkanları axtarır, status-kvo ilə məntiq çərçivəsində razılaşmırıq. İnanırıq ki, yenilikçilik bizim qanımızdadır.
Hər bir məqsədə sadiqik və əməllərimizə görə məsuliyyət daşıyırıq. Biz biznesdə yüksək nəticələr əldə etmək üçün öyrənməyə, bilik və bacarıqlarımızı inkişaf etdirməyə, eləcə də əməliyyatlarımızı sistemləşdirməyə çalışırıq.
Tərəfdaşlarımızla qarşılıqlı etibar və hörmət çərçivəsində ünsiyyət qurur, hamı ilə bərabər davranırıq. Fərqli mövqe və fikirlərə hörmət edərək tolerantlıq və inklüzivlik prinsiplərini dəstəkləyirik.