Yerin müşahidəsi üzrə müsabiqə

01 Haqqında 02 İştirak 03 Qoşulma prosesi 04 Ptoyekt mövzusu 05 Son tarix 06 Hədiyyələr

MÜSABİQƏ HAQQINDA

2016-cı ildən keçirilən müsabiqənin əsas məqsədi ölkə daxilində peyk təsvirləri ilə həyata keçirilən layihələrin inkişafını sürətləndirmək, ölkəmizdə elmi fəaliyyəti təşviq etmək, sosial-iqtisadi durumun inkişafına dəstək olmaq, eyni zamanda Yerin müşahidəsi xidmət və həllərinin müxtəlif sahələrdə tətbiq potensialını tanıtmaqdır. İlkin mərhələdən keçən iştirakçılar layihələrini hazırlamaq üçün Azersky peykimizin arxivində yer alan peyk təsvirləri ilə təmin olunacaqlar.

MÜSABİQƏDƏ KİMLƏR İŞTİRAK EDƏ BİLƏR?

18-35 yaş aralığında olan bütün gənclər müsabiqədə iştirak edə bilərlər. İşlədiyiniz sahə və təcrübə ilə bağlı tələblər yoxdur. Müsabiqəyə universitet müəllim və tələbələri, tədqiqat institutlarının əməkdaşları, müstəqil tədqiqatçılar və ya hər hansı tədqiqatla məşğul olan dövlət/özəl sektor təmsilçiləri və digər iştirakçılar qatıla bilər. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎

Müsabiqə şərtləri

NECƏ İŞTİRAK ETMƏLİ?

Müraciətlərin qəbulu mərhələsində şərtlər ilə tanış olub aşağıda yerləşdirilmiş iştirak formasını doldurub göndərmək kifayətdir. Formada şəxsi və əlaqə məlumatlarınız, layihənin qısa təsviri, həmçinin peyk təsvirləri ilə işləmək bacarığınıza dair məlumat əks olunmalıdır. Müraciətiniz nəzərdən keçirildikdən sonra ilkin olaraq təsdiq olunduğu halda layihəniz müsabiqə şərtlərinə uyğun hesab edilərsə, peyk təsviri üçün forma, layihəni təqdim etmək üçün isə hesabat forması sizə göndəriləcək. Bu sənədləri təqdim etdikdən sonra sizə emal olunmuş peyk təsvirləri göndəriləcək və layihənizi dəyərləndirmə üçün təqdim etmək üçün 15 sentyabr tarixinə qədər vaxtınız olacaqdır.

TƏQDİM OLUNAN LAYİHƏLƏR HANSI MÖVZUDA OLMALIDIR?

Bu ilin ölkəmizdə “Yaşıl dünya naminə həmrəylik ili” elan olunması fonunda müsabiqənin 2024-cü il buraxılışı iqlim dəyişikliyi ilə mübarizə, o cümlədən müxtəlif sahələr üzrə dayanıqlı həll yollarına həsr olunur. Bu səbəbdən ilkin mərhələdə müsabiqə mövzusu çərçivəsində göndərilən layihələrə üstünlük veriləcəkdir. Digər bir şərt layihənizin mövcud problem və onun həll yolunu təqdim edən elmi araşdırma və ya tədqiqat xarakterli olmasıdır. Layihənin qısa təsvirində həmin problemi qeyd etməli və peyk təsvirinin bu problemin aradan qaldırılmasında necə istifadə ediləcəyini göstərməlisiniz. Azərbaycan Respublikasının sərhədləri daxilində olması şərtilə, istənilən sahəni seçə bilərsiniz.

NƏ VAXT MÜRACİƏT ETMƏLİ?

Müsabiqədə iştirak etmək üçün müraciətlərin qəbulu artıq başlamışdır. 31 may tarixinə qədər aşağıdakı link vasitəsilə layihənizin qısa təsviri ilə müraciət formasını doldurub qeydiyyatdan keçə bilərsiniz.

QALİBLƏRİ HANSI MÜKAFATLAR GÖZLƏYİR?

İlk 3 yeri tutan iştirakçıya müvafiq olaraq 5000 AZN, 3000 AZN və 1500 AZN məbləğində mükafat veriləcək. Bundan əlavə, qalib layihələrin mövzusundan asılı olaraq onların müxtəlif beynəlxalq səviyyəli nəşrlərdə dərc olunması, patentlərin təmin olunması və digər mükafatlandırma mexanizmləri də təmin oluna bilər.