Azərkosmos Türkiyənin Profen şirkəti ilə əməkdaşlığını genişləndirir

Azərkosmos ilə Profen şirkəti arasında Anlaşma Memorandumu imzalanıb.

Memoranduma əsasən, iki tərəf arasında əməkdaşlığın bir neçə əsas istiqaməti müəyyən edilib:

· Profen ilə əməkdaşlıq çərçivəsində, Azərkosmos Azerspace-2 peykinin mövcud tutumunu istifadə edərək, Afrika qitəsindəki dövlət xidmətləri sahəsində fəaliyyətini genişləndirəcək.

· Azərkosmos və Profen arasında yerüstü stansiya xidmətləri sahəsində də strateji əməkdaşlıq həyata keçiriləcək. Bununla yanaşı, Azərkosmosun mövcud yerüstü xidmətlərindən istifadənin optimallaşdırılması nəzərdə tutulub. Həmçinin, Azərkosmos Profenin regional layihələrində də dəstək göstərəcək. 

Azərkosmos və Profen arasında əməkdaşlıq iki şirkətin texnoloji inkişaf və yenilikçi həllər sahəsində birgə addımlar atmalarını təmin edəcək.