Park Bulvar Ticarət Mərkəzində fəaliyyət göstərən Tusi-Bohm Planetariumunda Azərkosmosun dəstəyi ilə ərsəyə gəlmiş, “Dəyərli Planetimizi Qoruyaq” (Preserving Our Precious Planet) filminin təqdimatı baş tutub. Təqdimat mərasimində Azərkosmosun İdarə Heyətinin sədri Saməddin Əsədov, investor-sahibkar Tahir Gözəl, fəxri qonaq qismində Türkiyənin ilk astronavtı, hərbi pilot Alper Gezeravcı və digər qonaqlar iştirak ediblər.
Xatırladırıq ki, sözügedən film növbəti üç il ərzində Tusi-Bohm Planetariumunda nümayiş olunacaq.
Azərbaycanın kosmik sənayesinin təmsilçisi olaraq, Azərkosmos kosmosun tədqiqi vasitəsilə cəmiyyətdə davamlılıq və ekoloji şüurun təşviq edilməsi məqsədlərinə sadiqdir. Ölkəmizin noyabrda COP29 konfransına fəal hazırlığı çərçivəsində bu günkü təqdimat xüsusi önəm daşıyır.
Təqdimat mərasiminin bir hissəsi olaraq, Azərkosmosun Azersky peykinin fəaliyyət dövründə çəkdiyi təsvirlərdən ibarət sərgi də keçirildi.
Bizimlə əlaqə
Peşəkar komandamız sizi maraqlandıran sual və sorğularınıza cavab verməyə hər zaman hazırdır.
