Məxfilik Siyasəti

“Azərkosmos” tərəfdaşlarının, müştərilərinin, həmçinin vebsayt vasitəsilə məlumatlarını təqdim edən istifadəçilərin məxfiliyini qoruyur.

“Azərkosmos”un biznes prosesləri və şirkət fəaliyyəti əsasən müvafiq ISO standartlarına (ISO 9001 və ISO 27001) və fərdi məlumatlara dair Azərbaycan Respublikasının qanunvericiliyinə uyğun həyata keçirilir.

İstifadəçilərə məxsus məlumatların emal edilməsi, şirkətin fəaliyyətinin idarə olunması, məlumat mübadiləsi sistemlərinin qorunması və təhlükəsizlik standartlarına uyğunluq barədə məlumatı diqqətinizə çatdırırıq:

Məlumatların qorunması

“Azərkosmos” öz vebsaytına daxil olan istifadəçilərdən şəxsi məlumatları toplamır, belə məlumat istifadəçilər tərəfindən yalnız müəyyən hallarda, məsələn, xəbərlər bölməsinə qeydiyyatdan keçərkən və ya vebsayt vasitəsilə şirkətə sorğu göndərdikdə təqdim oluna bilər.

İstifadəçilərin vebsayt vasitəsilə təqdim etdiyi məlumatlar yalnız istifadəçinin sorğusuna cavab hazırlayan zaman istifadə olunur. İstifadəçi hər zaman gələcəkdə oxşar məlumatlar almaqdan imtina edə və ya bütün fərdi məlumatlarının vebsaytdan silinməsinə dair sorğu göndərə bilər.

İstifadəçi şəxsi məlumatlarını təqdim etdiyi halda, bu, “Azərkosmos” tərəfindən sorğuya cavab vermək, şirkətin Korporativ Sosial Məsuliyyət, marketinq və digər biznes məqsədlərinə dəstək vermək məqsədilə istifadə oluna bilər. Bu məlumatlar həmçinin, istifadəçilərin gözləntilərinin qarşılanması məqsədilə şirkətin xidmətlərinin və həllərinin təkmilləşdirilməsində önəm daşıyır.

İstifadəçilərin “Azərkosmos”da saxlanılan məlumatları onların razılığı olmadan satıla və/və ya üçüncü bir şəxslə paylaşıla bilməz.

“Cookie” siyasəti

www.azercosmos.az vebsaytında istifadə olunan “cookie”lərin məxsus olduğu üçüncü tərəflərin siyahısı aşağıda qeyd edilib. Siyahıda qeyd olunan sosial şəbəkələrin hər birinin məxfilik siyasəti ilə ayrıca tanış ola bilərsiniz.

Facebook: Məxfilik siyasəti

Google Analytics: Məxfilik siyasəti

LinkedIn: Məxfilik siyasəti

Twitter: Məxfilik siyasəti



Qeyd edək ki, “cookie”lər – daxil olduğunuz saytlardan sizin kompüterin sərt diskinə istiqamətlənən kiçik mətn fayllarıdır.

Əlavə olaraq www.azercosmos.az saytı statistik məqsədlər üçün üçüncü tərəflərin “cookie”ləri vasitəsilə informasiyanı toplayır. “Azərkosmos”un saytı bu prosesi saytdan istifadəni izləmək və təhlil etmək məqsədilə “Google” tərəfindən təqdim edilən “Google Analytics” xidməti vasitəsilə həyata keçirir.

“Cookie”lərin istifadəsini özünüz tənzimləyə bilərsiniz. Belə ki, brauzerinizin tənzimləmələri vasitəsilə “cookie”lərin deaktiv edilməsini və ya əvvəlcədən razılığınız olmadığı halda kompüterinizdə, mobil cihazınızda saxlanılmamasını təmin edə bilərsiniz. “Cookie”ləri qəbul etmədiyiniz halda, www.azercosmos.az saytını daha effektiv edən bir çox xüsusiyyətləri istifadə edə bilməyəcəksiniz və bəzi xidmətlərimiz qismən işlək olacaq.

Sualınız yaranarsa, marketing@azercosmos.az elektron ünvanına yazaraq bizimlə əlaqə saxlaya bilərsiniz.