Azərkosmos Londonda keçirilən “Strategies in Satellite Ground Segment 2025” (SSGS 2025) beynəlxalq konfransının mükafatlandırma mərasimində “İlin Ən Yaxşı Regional Operatoru və Xidmət Təchizatçısı” (“Regional Operator and Service Provider of the Year”) nominasiyası üzrə qalib seçilib.
Azərkosmosun beynəlxalq səviyyədə yüksək qiymətləndirilməsi Azərbaycanın kosmik sənayesinin inkişafında atılan addımların, innovasiyaya və keyfiyyətə sadiqliyin göstəricisidir.
Qeyd edək ki, SSGS 2025 mükafatları cəmi 7 əsas kateqoriya üzrə təqdim olunub və qaliblər qabaqcıl peyk operatorları və texnologiya şirkətləri arasından seçilib.
Bələliklə, il ərzində Azərkosmosun əldə etdiyi beynəlxalq mükafatların sayı üçə çatmışdır:
· World Teleport Association (WTA) – “Independent Teleport Operator of the Year” nominasiyası üzrə Finalist statusu.
· BroadcastPro Manufacturer Awards 2025 – “Best VSAT Service Provider” nominasiyası üzrə qalib.
· SSGS 2025 – “Regional Operator and Service Provider of the Year” nominasiyası üzrə qalib.
Bu mükafat təkcə Azərkosmosun deyil, həm də regionda peyk texnologiyalarının inkişaf potensialının tanınması baxımından mühüm əhəmiyyət kəsb edir.
Qazanılan nailiyyət Azərbaycanın beynəlxalq arenada mövqeyini möhkəmləndirməklə yanaşı, Azərkosmosun dayanıqlı, müştəri yönümlü rəqəmsal xidmət strategiyasına töhfə verir.
Peşəkar komandamız sizi maraqlandıran sual və sorğularınıza cavab verməyə hər zaman hazırdır.