Azərkosmos 11–14 sentyabr 2026-cı il tarixlərində Amsterdamda (RAI Amsterdam) keçiriləcək IBC 2026 (International Broadcasting Convention) sərgisində iştirak edəcək. Media, yayım və əyləncə texnologiyaları sahəsində dünyanın ən böyük tədbirlərindən biri olan IBC-də 170-dən çox ölkədən 40.000-dən artıq iştirakçının və 1.300-dən çox sərgiçi şirkətin olması gözlənilir.

Tədbirdə Azərkosmos peyk əsaslı yayım və rabitə xidmətlərini media və yayım sənayesinin qlobal nümayəndələri ilə müzakirə edəcək.

Azərkosmos 30 sentyabr – 1 oktyabr 2026-cı il tarixlərində Londonda, Park Plaza Victoria Hotel-də keçiriləcək SSGS (Strategies in Satellite Ground Segment) konfransında iştirak edəcək. Peyk sənayesinin yerüstü seqmentinə həsr olunmuş aparıcı beynəlxalq tədbir "Redefining Ground" mövzusu altında keçiriləcək və teleport operatorlarını, peyk şirkətlərini, texnologiya təchizatçılarını və dövlət qurumlarını bir araya gətirəcək.

Tədbirdə yerüstü infrastrukturun rəqəmsallaşdırılması, multi-orbit şəbəkələr, süni intellektin peyk əməliyyatlarında tətbiqi və teleportların transformasiyası kimi mövzular müzakirə ediləcək.

Azərkosmos 17–19 noyabr 2026-cı il tarixlərində Keyptaunda (CTICC) keçiriləcək AfricaCom 2026 tədbirində iştirak edəcək. Africa Tech Festival çərçivəsində keçirilən bu tədbir qitənin ən böyük telekom sərgisi olub, Azərkosmos burada peyk rabitəsi həllərini təqdim edəcək.