KOSMİK Akademiya

Azərbaycanın kosmik sənaye nüfuzunu artırmaq məqsədilə Azərbaycan Respublikasının Kosmik Agentliyi nəzdində akademik fəaliyyət göstərəcək KOSMİK Akademiya yaradılıb. Akademiya, yeni kosmik nəsil gəncləri yetişdirmək, beynəlxalq müsabiqələri milli model əsasında təşkil etmək, kosmos elmi və təhsili sahəsində maarifləndirməni artırmaqla milli kosmik ekosistemin inkişafına dəstək vermək, kosmik maarifləndirmə layihələrinin kommersiya fəaliyyətləri ilə maliyyələşməsini təmin etmək, gənclərin asudə vaxtını səmərəli təşkil edərək gənclər siyasətini dəstəkləmək və Azərbaycanın qlobal müstəvidə nüfuzunu artırmaq məqsədini güdür.Bizimlə Əlaqə

Haqqımızda XəbərlərOlimpiadalar və MüsabiqələrYay və Qış məktəbləri Təqaüd və Təcrübə proqramları Təlimlər Rəylər Əməkdaşlıq

Beynəlxalq Kosmik Olimpiada

Beynəlxalq Kosmik Olimpiada, 2000-ci ildən Tel Əvivdə keçirilən, kosmik sahədəki ən nüfuzlu məktəbli tədbirlərdən biridir. İsrail Kosmik Agentliyi və Təhsil Nazirliyinin təşəbbüsü ilə təşkil edilən bu olimpiada, gəncləri kosmosun möcüzələrini kəşf etməyə təşviq edir. Dörd mərhələdən ibarət olan müsabiqədə iştirakçılar hibrid formatda, regional və milli finalda öz biliklərini nümayiş etdirirlər. İştirakçılar yaş qruplarına ayrılır və tapşırıqlar müxtəlif dillərdə təqdim edilir. Mentor müəllimlərin dəstəyi ilə şagirdlər öz müstəqil öyrənmə bacarıqlarını inkişaf etdirirlər. Qalib komanda 2025-ci ilin iyununda Tel Əvivdə keçiriləcək beynəlxalq finalda iştirak edəcək.

Daha ətraflı

Milli Peyk İnnovasiya Müsabiqəsi

“Ideia Space” şirkəti, Braziliya Kosmik Agentliyi ilə əməkdaşlıq edərək, məktəblilərin PocketQube piko-peykləri ilə kosmik missiyalar yaratdığı Azərbaycan peyk innovasiya müsabiqəsini təqdim edir. Müsabiqə, 7-10-cu sinif şagirdlərinə real elmi məlumatları araşdıraraq intellektual inkişafı dəstəkləyir. İştirakçılar, peykin konseptuallaşdırılması, dizaynı, qurulması, işə salınması və təqdimatı mərhələlərindən keçirlər. 500 məktəbli tənqidi düşünmə, proqramlaşdırma və layihə idarəçiliyi kimi biliklər əldə edəcək. Nəticədə, qalib komanda, peykini SpaceX-in “Falkon 9” raketi ilə kosmik orbitə çıxarmaq imkanı qazanacaq.

Daha ətraflı

APRSAF Kosmik Poster Müsabiqəsi

Asiya-Sakit Okean Regionu Kosmik Agentliklərinin Forumu (APRSAF), 1993-cü ildən bəri kosmos sahəsindəki ən nüfuzlu tədbirlərdən biridir. Hər il noyabr-dekabr aylarında keçirilən forum, 52 ölkədən 844 təşkilat və 32 beynəlxalq qurumu bir araya gətirir. Burada aparıcı kosmik agentlikləri fəlakətlərin idarə edilməsi və ətraf mühit mühafizəsi kimi mözularla müzakirələr aparır. APRSAF, 4000-dən çox 5-9-cu sinif şagirdinin iştirak etdiyi kosmik poster müsabiqəsi təşkil edir. 2023-cü ildə İndoneziyada keçirilən 29-cu müsabiqədən sonra, 30-cu müsabiqənin 2024-cü ildə Avstraliyada keçirilməsi planlaşdırılır. Azərbaycan Respublikasında milli mərhələ isə oktyabr 2024 - may 2025 tarixlərində baş tutacaq.

Daha ətraflı