“WebGIS” proqram təminatı
“WebGIS” internet üzərindən coğrafi informasiya sistemlərinin gücündən istifadə edən və istifadəçilərə veb-brauzerlər vasitəsilə məkan məlumatlarını idarə etməyə imkan verir. Bu texnologiya birdən çox istifadəçiyə eyni vaxtda coğrafi məlumatlarla işləməyə və təhlil etməyə imkan verən real vaxt rejimində əməkdaşlığı asanlaşdırır.
Farmer App
“Farmer App” tətbiqi peyk texnologiyalarına əsaslanaraq əkin sahələrinin rəqəmsal monitorinqini həyata keçirir. Proqram peyk təsvirləri vasitəsilə NDVI, NDWI və NDRE kimi kritik vegetasiya indekslərini avtomatik hesablayır, məlumatları vahid bazada toplayır və analiz edərək fermerlər üçün əkin prosesinin optimallaşdırılmasını təmin edir.
Qırılmış meşə ərazisinin aşkarlanması
Qırılmış meşə ərazisinin aşkarlanması aləti peyk görüntülərindən və maşın öyrənməsi alqoritmlərindən istifadə edərək sürətlə artmaqda olan meşə itkilərini izləməyə, o cümlədən bu problemin səbəblərini təhlil edib məqsədyönlü mühafizə tədbirləri həyata keçirmək üçün həll yolları təklif etməyə imkan yaradır. Bu texnologiya meşələrin qırılmasının miqyasını qiymətləndirmək üçün əvəzsizdir.
Binaların aşkarlanması
Yüksək ayırdetməli peyk təsvirlərindən və qabaqcıl maşın öyrənmə alqoritmlərindən istifadə edən texnoloji həllimiz binaların aşkarlanması üzrə hazırlanmışdır. Geniş coğrafi əraziləri səmərəli şəkildə təhlil edərək binaları və onlarda baş verən dəyişiklikləri müəyyənləşdirməyə imkan yaradan bu alət şəhərsalma, təbii fəlakətlərə cavab tədbirləri və iqtisadi təhlil kimi müxtəlif sahələrdə tətbiq oluna bilər.
İstixanaların aşkarlanması
Bu məhsul dərin öyrənmənin müasir seqmentləşdirmə alqoritmlərindən və təsvirlərin geniş çeşidli emal üsullarından istifadə etməklə 90%-dən çox dəqiqliklə istixanaların müəyyən edildiyi və lokallaşdırıldığı seqmentasiya xəritələrinin yaradılmasına imkan verir.
Nəqliyyat vasitələrinin aşkarlanması
Bu innovativ məhsul nəqliyyat vasitələrini dəqiqliklə müəyyən etmək üçün qabaqcıl alqoritmlərdən və maşın öyrənmə üsullarından istifadə edir. Sistemin müxtəlif mühitlərə, o cümlədən şəhər, şəhərətrafı və kənd landşaftlarına uyğunlaşması onu yol hərəkəti sxemlərinin monitorinqi üçün faydalı alətə çevirir.
Gəmilərin aşkarlanması
Gəmi aşkarlama sistemi qabaqcıl peyk texnologiyası və maşın öyrənmə alqoritmlərindən istifadə edərək limanların səmərəli şəkildə idarə edilməsi, həmçinin təhlükəsizlik və logistika üzrə əməliyyatların təkmilləşdirilməsinə imkan yaradır.
Peyk təsvirlərinin keyfiyyətinin artırılması
Dərin öyrənmə alqoritmləri də daxil olmaqla, qabaqcıl hesablama üsulları vasitəsilə peyk təsvirlərinin keyfiyyətini artırmaq imkanını təmin edən bu həll Yer səthində obyektləri və onların xüsusiyyətlərini, mövcud infrastrukturu, təbii bitki örtüyü və geoloji formasiyaları müəyyən edərək ətraflı təhlillər aparmağa imkan verir.
GEO360
GEO360 yaratdığımız süni intellekt modellərini istifadəçiyə proses şəklində təqdim edən, verilənlərin emalı üçün nəzərdə tutulmuş platformadır. Bu platforma vasitəsilə istifadəçilər, peyk təsvirlərini yükləyərək müxtəlif süni intellekt modellərini (qırılmış meşə ərazisinin aşkarlanması, binaların aşkarlanması və s.) bu təsvirlər üzərində tətbiq edə bilərlər.